Amelia Booking

Við völdum þetta kerfi og þýða það vega mikla möguleika sem það býður upp á. Með einfaldri uppsetningu og mjög þægilegu viðmóti getum við sett upp bókunarkerfi á stuttum tíma sem stenst allar kröfur sem við höfðum. Þetta kerfi hentar mjög vel þeim sem eru að selja þjónustu og þurfa að láta bóka tíma. Dæmi um rekstur sem þetta kerfi er fullkomið fyrir eru gleraugnaverslanir, hárgreiðslustofur, læknastofur og önnur sérhæfð þjónusta.

Þegar við fórum að skoða hvaða kerfi voru í boði höfðum við nokkra eiginleika sem skilyrði og aðra sem væri gott að hafa. Þetta kerfi uppfyllti allar okkar kröfur og vel það.

Það sem við lögðum upp með að finna þurfti að:

  • Bókanlegt beint á netinu
  • Bjóða fleiri en eina þjónustu fyrir hvern starfsmann
  • Bjóða upp á fleiri en einn starfsmann
  • Virka með Word-Press
  • Auðvelt að vinna með
  • Tvegga átta samkeyrslu við Google Calander

Tveggja átta samkeyrsla þýðir það að ef einhver bókar tíma á netinu kemur það inn á dagatal viðkomandi starfsmanns. Einnig að ef viðkomandi starfsmaður væri bókaður á fund og skráð í Google Calander myndi tíminn lokast á netinu.

Til viðbótar við þetta skilgreindum við nokkra auka kosti:

  • Sjálfvirkar áminningar í netfang
  • Sjálfvirkar áminningar í SMS (og þá ekki dýrt)
  • Tölfræði um bókanir
  • Greiða beint í vefverslun
  • Eftirfylgni eftir að þjónusta væri veitt

Allt þetta og meira til gerði Amelia Bokkings og því var tekin sú ákvörðun að þýða kerfið í heild sinni yfir á íslensku. Við það sáum við enn þá meira tækifæri til að getað innleitt þetta fyrir okkar viðskiptavini. Þýðingin sem við gerðum verður svo aðlöguð að hverjum viðskiptavin fyrir sig.

Kerfið býður upp á gott stjórnborð þar sem hægt er að sjá samantekt yfir alla helstu tölfræði sem er í boði. Þar er einnig hægt að stilla hvaða tímabil þú vilt vera skoða, þjónustu eða staðsetningar ef um fleiri en eina er að ræða. Fyrir neðan stjórnborðið eru svo þær bókanir sem eru á deginum í dag.

okkrar leiðir eru til að fá yfirsýn um þær bókanir sem eru komnar. Hægt er að fá það upp sem dagatal og fá þær listaðar upp sem bæði er svo flokkanlegt eftir starfsmanni, þjónustu eða staðsetningu

Starfsmenn geta farið inn í kerfið og skráð sína frídaga og sérstaka daga þar inni. Þar er hægt að skilgreina vissar þjónustur eftir starfsfólki og margt fleira. Eitt af lykilatriðunum sem okkur fannst mjög mikilvægt er að hver starfsmaður getur tengt sitt dagatal við Ameliu og tengjast möguleikar á þjónustum beint við það. Allar þessar stillingar er auðvelt að setja upp og mjög þægilegt að vinna með. Ef við tökum dæmið að einn af þremur starfsmönnum sér um vissa þjónustu og sá starfsmaður bókar tíma hjá lækni sem hann bætir í dagatalið sitt, þá lokast fyrir þá þjónusta sjálfkrafa yfir þann tíma inn í bókunar kerfinu því það sér að enginn er til staðar að sinna þjónustunni.

Tilkynningar sem kerfið býður upp á er nóg til að uppfylla allar þær kröfur sem við höfum í dag til bókunarkerfis. Það sendir sjálfkrafa pósta til að staðfesta bókanir og allar helstu breytingar sem gætu verið gerðast á bókun. Einnig er möguleiki að senda áminningu fyrir bókun deginum áður. Allar þessar tilkynningar er hægt að senda bæði sem tölvupóst en einnig sem sms. Hvert sms úr kerfinu kostar ekki nema í kringum 3 krónur. Með því að nota snjallar tengingar við textana þá er hægt að láta nafn viðkomandi, hvaða þjónustu hann bókaði, hvar, hvenær og fleira allt koma fram í þeim skilaboðum sem send er á hann.

Möguleiki er að setja kerfið þannig upp að viðskiptavinirnir sjálfir hafi möguleikann að skrá sig inn í kerfið og sýsla með bókanirnar sínar.

Höfum við sett þetta kerfi upp og nýttum við okkur að kerfið sendir einnig póst eftir að þjónustu lýkur til að gera þjónustukönnun.

Allt sem ég hef farið yfir hérna er ástæðan fyrir því að við notum þetta kerfi og mælum með því fyrir alla okkar viðskiptavini sem hafa not fyrir það.

Það er einfalt í uppsetningu, ódýrt að senda SMS úr því og býður upp á mikið af valmöguleikum. Það er enginn mánaðarlegur kostnaður sem fylgir því að fá kerfið hjá okkur ef þinn vefur er í hýsingu hjá okkur.